Lela’ junp’éel chan ts’íikbal yo’oksal mejen ch’i’icho’ob, ku k’áayo’ob, tumen yáan k’íine, jach bey táan u t’aano’ob bey wíinke’. Le ba’ache’obo’ ken p’a’astak men wíinke’ ku beta’al bey yóol máak yéetel. Je’ex e miiso’ ku ya’alik Raauuu, ma’ miauuu, je’ex u ya’alal ich káastlan t’áane’.

Voces narrativas: Jaime Magaña, Saasil Sánchez y niños de Tesip.
Lugar de grabación: San Antonio, Tesip, Yucatán, México.

Grabación: Elias Puc.

Relató: Vicente Moo Canche
Lugar de origen: Halacho, Yucatán, México.

Grabado en evento cultural tzaykin.fm en San Antonio Tesip, 2013.

Le chan tsíikbala’ ku ye’esik bix táaj yáan u na’at le chan túul ku béetik u réeyi, ba’ale’ táanile’, yáan u beetik ya’ab ba’alo’ob máan táalamo’ob. Ba’ale’ le chan t’úula ku k’úuchul u yóol u láaj betej. Tak ken u náajalt u réeyi.

Grabación: Jaime Magaña.

Un túul chan x-núuk ku yóokol kisin ti’ tumen ma’ tu súut u yáabilo’ob u tuxmaj u yéenso’ob túuk’. Ma’ u yóojel túune’ láaj táak’o’ob tu k’ab le tuuk’o’. Ma’ páajchaj u yemelo’obi’.

Relató: Domingo Arceo.
Domingo Arceo UcánX-Cohuo, Valladolid, Yucatán.
Recopiló y tadujo: Felipe Kuyoc.
Domingo Arceo UcánX-Cohuo, Valladolid, Yucatán.
Voz narrativa: Santiago Canul.
Lugar de origen: Tihosuco, Quintana Roo, México.

Grabación y edición: Jaime Magaña.

Relató: Domingo Poot Chan
Lugar de origen: Tihosuco, Quintana Roo, Yucatán México.

Grabación: Jaime Magaña.

Relató: José Domingo Poot Chan.
Lugar de origen: Tihosuco, Quintana Roo, Yucatán, México.

Grabación: Jaime Magaña.

Ku ya’alale’ le núukuch che’ob ka’ache’ yáan u yúumilo’ob jach kuxa’ano’ob, le beetik ma’ tu máan j-aawat máak cheen minu cuentai’ ich k’áaxil, tumen je u yu’ubal wíinke’, men u yíik’al k’áaxo’ob.

Relató: Dulce María Paat Dzib
Lugar de origen: Tihosuco, Quintana Roo, México.

 Grabación: Jaime Magaña.

Juntéenake’ t’a’an janal ti’ jump’éel naj ku p’áatal tu kajtalil x-Kuxché, le máake’ ka’aj sáaschaje’ ka’aj jo’op’ u bin te’e tu’ux t’a’an janale’; ka’aj k’uch te’ naje’ ka’aj k’a’am yéetel uts. Bisa’ab tu yiknal jump’éel mayak che’ tu’ux yaan u jeejeláasil janalo’ob meenta’an yéetel bak’, le ka’aj tu yilaj ma’alob u tséenta’ale’ ka’aj tu ya’alaj beya’:

–Yaan in tséentik in wu’ulabo’ob yéetel ba’al ki’.

Tu jeel k’iine’ u yatane’ táan u meentik x-tsu’uj, ti’ lelo’ ka’aj tu yilaj táan u k’uchul u yíits’ine’, ka’aj tu ya’alaj ti’ u yatan beya’:

–Eyaj x-nuuk, ta’ak le janalo’ tumen táan u taal in wíits’in.

–¿Tu’ux kin in ta’akej? –ka’aj núukta’ab ti’.

Ka’aj túun tu ya’alaj, ka’aj mu’ukuk ts’u’ lu’um. Bey úuchik u meenta’alo’. Ti’ lelo’ ka’aj k’uch u yíits’in, ka’aj tu k’amaj yéetel uts, a’ala’ab ti’ ka’aj u xéektubaj, ka’aj tu chu’unsaj u tsikbalo’ob. Ma’ sen sáam jo’op’ok u tsikbalo’obe’ ka’aj t’a’ano’ob janal tumen le x-ko’olele’. Chéen k’utbil iik tu jaanto’ob. Ts’o’ok u bin u yíits’ine’ ka’aj bin yéetel u yatan u jáal le x-tsu’uj muka’ane’, chéen táan u jáalko’obe’ ka’aj tu yilo’ob mix ba’al yani’, chéen jump’éel jool ku bin yáanal le lu’umo’.

Le mejen x-tsu’uje’ kuxlajo’ob, le beetik ku ya’ala’ale’ le mejen bajo’obo’ beyo’ob mejen x-tsu’uje’, túuts’tak yéetel u poolo’obe’ wóolistak.

Kanxoc, Valladolid, Yucatán.
Recopiló y tradujo: Aarón Puc Chi.

– Bix túun xi’ipal, ¿tu’ux ka bin?

– Tin bin in waalkat in suerte’.

– Pues talvez a jook’ol yéetel, je’el waa a jáan maajantik ten le a chan lúuch utia’al in ts’a’ik jump’íit ja’ te’ champala’.

– Lelo’ míin ma’ táan, asab looch’ yéetel a k’ab ka’ ts’áati’.

– Leti’e’ ma’ u yóojel le x-ko’olelo’, x-ki’ichpam ko’olel biil, le chan paalo’ ki’ichkelem yuum.

– Pues ma’alob hijo, – ki’ le xko’olelo’ ka’ binij.

Ma sáame’ ka’ líik’e’, ka’ ku bin, ku bin, ka’ k’uuch ti’ jump’éel kaaj’, ka’ tu yiilaj nojoch chíich, ka’ k’aata’ ti’e ¿tu’ux ku bin?

– Ka’ tu ya’ale’, túun bin u yaalkat u suerte.

Nojoch chíiche’ tu ya’alaj:

– ¡Xéen túun yiknal rey, te’elo yaan meyaji’!

Ka’ k’uuch yiknal le reyo’ ka’ t’aanaji, ka’ a’alati’ tumen reye’ yaan meyaj, le máax ku kaxtik  flor de Olivane’ ku ts’o’okol u beel yéetel u x-t’uup hija rey.

– Pues ma’alob, je’el in kaxke’.

Ka’ jóop’ u máan u kaxtej, ku yiilike’ ma’ túun kaxtik. Ts’o’ok u máan k’iin beyo’, ka’ tu ya’alaj chúumuk paal xane’, táan u bin o korrerte’ u suerte’, ka’ meyajta’ u yo’och waaj yéetel u yo’och k’éeyem, ka’ ku bin u bin, chen ichil u bine’ ka’ k’uuch teej jaltun tu’ux máan u suku’une’. Je’elo’ ka’ je’eli’, ka’ ku puk’ik u yo’och k’éeyem, ka’ jo’ok u janaj, chen ka’ tu yu’ube’ táan u taal u yook’ol juntúul champal ku k’uuchul tu yiknale’ ka’ tu yiilaje’ juntúul x-ko’olel yéetel u champal, ka’ a’alati’e’:

-¿Túun ka bin beya’ hijo?

– Tin chan bin in correrte’ in suerte.

– Aaan, pues talvez a k’uuchul tu’ux yaan meyaj.

Le ko’olelo’ ka’ tu ya’alaj:

– Ma’ túun táan jaan tsíik ten a luuch in maajanto’, uti’al in maatik jump’íit ja’ te’ jaltuna’.

– Ka’ núuka’ ti’e’.

– In wa’alike’ míin ma’, ¿bix a wóol? Looch’ yéetel a k’ab.

– Pues ma’alob.

– Ka’ jook’ u looch’ik le ja’o’, utia’al u tsa’te’ champalo’.

– Ka’ a’alab ti’e, pues ma’alob hijo, talvez a jóok’ol yéetel la ba’ax ka’ bin a meyajto’.

Ka’ ku bin, u bin, ka’ k’uuch xan te’ kaaj tu’ux k’uuch u suku’une’, ka’ tu yilaj nojoch chíich, ka’ k’aata’ ti’e.

– ¿Tu’ux túun ka bin beya’ áabil?

Ka’ tu ya’ale’. – Chen tin bin korrerte’ in suerte’.

– Tu nuukaj nojoch chíiche’. – Pues xeen tu yiknal rey, te’elo’ yaan meyaji’.

Ku k’uuchle’, ka’ a’ala ti’ tumen reeye’.  – Yaan meyaj, waa ka’ kaxtik flor de olivane’ ku ts’o’okol a beel yéetel in x-t’uup hija.

Ka’ tu ya’ala’ chúumuk paale’, – bixe’ míin kaxka’, ka’ jook u máan u kaxtej. Sáamsamal u jook’ol beyo’ chen ba’ale’ ma’ túun u kaxtiko’, ts’o’ok u maan k’iin beyo’ ka’ tu ya’alaj j-t’uup xane’ túun bin.

Chen ba’ale’ leti’e tu máanaj jump’éel vino, ka ku bin, u bin, táats’ak yóok’ol le jaltun tu’ux máan u suku’uno’obe’, chen ka’ xan tu yu’ubaje’, táan u taal u yóok’ol le champale’, ka’ kooj le xuunan yiknalo’. Ka’ a’alab ti’e.

– ¿Túun ka’ bin beya hijo?

– Chen tin bin in korrerte’ in suerte’, – ku ya’alik j- t’uup.

– Ma’alob ka nuukab ti’.  – ¿Je’el waa a tsíik ten a chan luuch in maajant uti’al in tsíik ja’ te’ champala’?

Dios mio ¿bix a wóol?  – kiij t’uup, ma’ táan a wilik le jach síis ja’o’, ka tu jiilpaytaj u yo’och vinoe’ ka’ tu waach’aj, ka’ tu ya’ale’:

– Je’ela’ ts’áati’.  – Pues ma’alob hijo, paatikin tsaik jump’íiti’, – laaj tsaati’ ku ya’alik j- t’uup.

Ka bin tu puuk’aj u yo’och k’éeyeme’ ka’ xan tu tsáajti’ le xuunano’.

– Je’ela’ mamich úuk’ej, kuxkintabaj xan.

– Ma’alob hijo, pa’atik in maatik a wo’och k’éeyema’. Ts’o’ok u yuuk’ik ka’ tu ya’alaje’.

– Ma’alob hijo, ja’alibe’, liik a bina’, le flor de Olivane ku ya’albil a kaxko’, le ken jo’ok’ech wáay jo’ kaaje’ chen leti’ ken a wiil u k’aaxi’.

– Yaan; ten a’aliktech, teech ka’ bin jook’ol yéetel a suerteo’.

– Ma’alob mamich,  – ku ya’alik.

Táan u bine’ ka’ k’a’aj u luuch ti’, ka’ tu yiilaje’ tu tséel le jaltuno ti’ yaani’, chuup yéetel u k’éeyemi, ka’ tu túukultaje’ ki’ichpam ko’olel biil yéetel ki’ichkelem yuum tu yiilajo’, ka’ tu cha’a u vino’, ka’ túun tu yuuk’aj le k’éeyemo. Chen ka’ tu yu’ubaje’ túun k’aay juntúul chan ch’íich’ “ tsuutsuy yeem” “ tsuutsuy yeem”.

Chan tsuutsuy wi’ijech waale’, – ku ya’alik. Bey túuno, ka tu jo’osaj u xíixe’ le k’éeyemo ka’ tu tsáa’ tu tseel le jaltuno’.

Ka’ ku bin, u bin, ka’ k’uuch te’ kaajo’, ka tu yiilaj nojoch chíich. Ka’ k’aata’ ti’.

– ¿Tu’ux ku bin? – Ka’ tu ya’ale’.

– Chen tin chan maan in korrertin suerte’.

-Aaaan, pues te’ yiknal le reey a bino’, te’elo yaan meyaji’, túun kaxtaj jump’éel klase flores ti’, le máax ku kaxtiko’ ku ts’o’okol u beel yéetel u x-t’uup hija.

– ¡Aaayy lelo’ chíich, jach je’el in kaxtike’!

Ka bini’, ku k’uuchele’ ka’ tu t’anaj rey, ka’ a’alati’e.

– Yaan meyaj, wa ka’ kaxtej flor de Olivane’ kin ts’o’oksik a beel yéetel in x-t’uup hija.

– Ma’alob sáamal in kaxtik ku t’aan j-t’uup,  – je’el in jóok’ol in kaxte’.

Ka’ sáaschaje’ ka’ jóok’ij, ka’ bini’, leti’e u yóojel yaan tumen a’alan ti’ tumen le ki’ichkelem yuumo’. Ka’ k’uuch te’  jo’ kaajo’ yaan, sak muuk’en, chen leti’ yaani’. Ka’ tu kaachaj u p’ooche’ ka’ tu machaj, kak u taal u  tsíimin te’ bejo, ka’ iilab tumen u suku’uno’ob leti’obe’ táan xan u maan u kaxto’ob, j-t’uupe’ ka’ tu ya’alaje’ sáam u kaxte’.

Taanili’ u tselko’ob jaal beje’, ka’ tu tsúunk’abto’ tu kaal le floreso’ ka’ kiimij ka tu paanajo’ob le lu’umo’, ka’ tu múukajo’obi’, ka bino’ob. Ka’ k’uuch’o’ob tu najil reye’ ka’ tu ya’alajo’obe’, sáam u kaxto’ob. Chen ba’al tune’, túun pa’ataj j-t’uup ma’ tu taaj, ts’o’okole’ bix kun taaj, sáam u kíimso’, pues ka’ a’alab ti’obe’ yaan u yúuchul le ts’o’okol beelo’, ma’ tu xáantal, a’alalti’ob beyo’ yóosal u yiilal wa je’el u suut  j-t’uupe’, sáamal wa kaabeje’.

Chen bey u máan k’iino’, le kaxan wakaxo’ ka bin tu meyaj, ichil u maan u kaxtej le wakaxo’obo’ ka’ k’uuch yiknal junkúul jatsuts’ flores, jach máan jatsuts’ ma’ tech u yilik, ka’ tu cha’e, ka tu yúustaj ka chúun u k’aay beya’:

– ”Aay vaquerito no me soples, no me soples de llorar, pedro y pablo me han matado por causante de la flor de Olivan”.

– Puta madre ku ya’alik j-kaxan wakax, beora’ ken in biis ti’ reya’.

Ka’ k’uuche’ ka’ tu ya’alaj ti’ x-reeynaj.

¿Tu’ux yaan kin wil bixi’?  – Ku ya’alik nuxi’ rey,  ka’ tu yúustaj.

– “Aay suegro mío no me soples, no me soples de llorar, pedro y Pablo me han matado por causante de la flor de Olivan”.

– Che’ k’ampel ¿tu’ux yanech?, ko’oten a wúustej.  – Ki’ nuxi’ rey.

– Nuxi x-reeynaj ka’ xan tu yúustaj.

– “Hay suegra mía no me soples, no me soples de llorar, pedro y Pablo me han matado por causante de la flor de Olivan”

– Ave mariia, leti’ le t’uup kiinsa’abe’, ¿tu’ux taaj wiilaj?  – Ku ya’alaj ti’ kaxan wakax.

Ti’ lelo’ ka’ k’uuch u x-t’uup hija rey, ka’ xan tu yúustaj.

– “Esposa mía no me soples, no me soples de llorar, pedro y Pablo me han matado por causante de la flor de Olivan”.

– Aan ¡leti’ yuum! ¡óotsil j-t’uup!  – Ko’onex iile’.

– Ka’ k’usa’ab tu’ux yaan le chan floreso’ ka’ ku páanko’ob le lu’umo’, ka’ tu yilo’obe’ je’el kóolk’ale’, líik u kóolko’ob.

– Aaan, ki bin,  – túun yakam óotsil j-t’uup, túun kuxtal.

Líik u ka’ kóolko’ob, tu jach joko’obtune’.

– ¡P’íitiin!  – Ka’  jóok’ j-t’uup. Sáam kuxak.

Ka’ túun tu ya’ale’ u su’ukune’,  – ¡kiinsej!

– Ka’ a’ala’ ti’e pues ko’onex. Ka’ ustil u jóosa’a j-t’uupe’, kak ku bino’.  – Leti’e sáam ganarnak.

Ka’ k’ucho’obe’, ka’ tu ya’alaj nojoch reeye’ ka’ juntartak u che’il jump’éel ta’an te’ chúumuko’ uti’al chan tóokej, ts’o’ok u muulkintaj le che’obo’, ka t’aan tu láakal le kajnalo’ob uti’al u cha’anto’ob bix u yéelel le ta’ano’, tu jach chookwil le k’aak’o’ ka’ ch’uya’ab Pedro yéetel Pablo kaj láaj pu’ulo’obi’. Ts’o’ok u yéelelo’obe’ ka’ tu ya’alaj reeye’ ka ts’o’oksak u beel j-t’uup yéetel u hija, le rey túuno’ tu k’uubaj u náajil ti’ j-t’uup yéetel u tak’in tumen tu ganartaj beyo’, bey ts’o’okik le chan tsikbala’.

Relató: Domingo Arceo Ucán.
X-Cohuo, Valladolid, Yucatán.
Recopiló y tradujo: Felipe Kuyoc.

Jach maan sáan k’uchke’ ka’ tu yilaj juntúul chan sakpakal táan u jantik u yich che’, leek u jóosik u kuch túunich, ka’ tu saats’a u chan tirahuule’, le yáax ch’iin tu meentajo’ mix tu tsayati’i, leek u ka’ saats’ik ti’, ku yilike’ sáam lúubuk le óotsil sakpakalo’. Jach taj ki’imak u yóol ka bin áalkabil u cha’e’, ka’ tu yilaje’ chen tu chan tseem tu tsaya ti’, ka tu ch’úuye’ ka’ sunaj tu yotoch. Ku k’uuchule’ ku yilik u na’e’ táan u chuup ja’ ka tu ya’alaj ti’:

– Na’, meet u chan ki’ wajil le chan ch’iich’a’ uti’al in janto’on.

– Ka’  a’alati’e, ka jok’ok tu pach le otocho’ utia’al ku t’uut’ le chan ch’íich’o’.

Le chan paal túuno’ tu kaxtaj jump’éel nuxi’ sak túunich, tu’ux je’el u beyta’al u t’uut’ik le chan ch’íich’o’. Ka ts’o’ok u t’uut’ike’, ka’ tu ya’alaj ti’ u na’e ka’ muukak ti’ le k’áako’. Chen ba’ale’ u na’e utia’al u p’o’ik le ch’íich’o’ ka tu yilaje’ ma’ kiimeni’, ka tu t’ooj puch’taj u pool, ka kíimij.

Le na’tsilo’ ka ts’o’ok u p’o’ike’ ka tu kaxtaj jun xeet’ le’ ja’as ka tu muukaj k’áak’, ka’ bin u jaan ts’o’oks u chuuy, le paal xane’ bin báaxal, ka jaan tu’ub le chan ch’iicho’. Chen bey u máan le oorao’ ka’ tu chukaj u yoorai’ janal, le chan paalo’ k’uuchu’ tu meyataj u ya’alkab, tu p’o’a u k’ab, ka’ kuulaj mayak’che’, túun chen cha’antik u jóok’ol le chokoj waajo’ ka’ tu k’aataj u yo’och chan ch’iiche’. Ka’ tek k’a’ati’ u na’e ma’ u jo’os te’ k’aak’o, ka’ tu jan jáalaj, chen ba’ale’ laaj éeli’, ka’ maanen tu jóol u yotoch óotsil Adoe’ chen tsajbij je’ ku jantik.

X-Cohuo, Valladolid, Yucatán.
Recopiló y redactó: Felipe Kuyoc.

– Chan paal bey míina’an ba’al in janto’ona’, asab ka xi’ikech a wéens le ch’ujuk túuk’o’obo’.

– Ka’ tu núukaj nojoch paale’.

– Ma’alob, ka tu kuuchaj u chan saabukan, tu’ux ku bisik u yo’och ja’, ka’ bini’.

Le chan paalo’ na’ak tu k’ab le túuk’o’, chen ba’ale’ te’ taak’i’, ma’ ka’ beychaj u éemeli’.Ku máan k’iin beyo’, le nojoch súukuntsil ma’ túun súut, ka’ tu ya’alaj chan xnúuk ti chúumuk paal ka’ xi’ik u kaxte’.

– Ka’ tu núukaj chúumuk paale’, ma’alo’ob chíich, ka’axak tu cha’a u saabukan ka’ tu cha’ u beelil le kolo’, tu’ux yaan le túuk’o.

Ku k’uuchul tu’ux yaan le u che’il le túuk’o’, ku yiilike’ u suuku’une’ te’ ch’uyuukbali’, ka’ a’ala’ ti’ beya’:

– Íitsin,¡na’aken túun a wéensen! Ku yu’ubik chúumuk paale’, ka’ na’ak xan tu k’ab le túuk’o’, chen ba’ale’ te’ xan taak’i’. Ka’alik chan xnúuke’ táan u p’u’ujul, tumen le mejen palalo’obo’ ma’ túun súuto’ob yéetel le túuk’o’, ku yiilik mix juntúul ku súute’ ka’ tu t’aanaj j-t’uup.

– j-t’uup, paal, chen tech u jaajil; kuuch a saabukan ka’ xi’ikech a wiil ba’ax ku meentik le a súuku’uno’obo’, tumen bey tin wóole’ chen p’aato’ob báaxal te’ beejo’.

– Ka’ tu núukaj chan j-t’uupe’,  – ¡ma’alo’ob! Tu cha’ u yo’och ja’ ka’ ku bin, ka k’uuch te’ kool tu’ux yaan le túuk’o’, ka’ jo’op’ u t’aanik u súuku’uno’obo’, ku yiilike’ te’ láaj táak’o’ob tu k’aab le túuk’o’.

Ka a’alab ti’e:

– J-t’uup na’aken túun a wéenso’on, tumen ma’ túun beytal in wéemelo’on.

– Chan j-t’uupe’ ka’ tu ya’ale’.  – Pa’tiki’, ¡beora ken in wéensexa’!

– Chen chúun u na’akal tu k’aab le túuk’o’; ta’aytak u k’uuchul u máach chúumuk paale’ ku yu’ube’ ma’ táan u beytal u péek, sáam xan ta’aki’.

Ka’alik chan x-núuke’, táan yookol kíisin ti’, tumen mix juntúul le mejen palalo’ob ku súuto’.

– Jach bey tin wóole’, le mejen kíisin palalo’oba’, chan p’áato’ob báaxal tu óoxtúulilo’ob, míin más uts ka xi’iken in wiil, ba’ax ku beetiko’ob.

Tu kuuchaj u chan saabukan yéetel tu ch’áa u xóolte’ ka chúun u xíimbalt. Ku k’uuchul te’ Kool tu’ux yaan le túuk’o’, ka chúun u t’aanik le palalo’obo’.Ku yu’ubike’, le palalo’obo’ ka’anaj ku t’aano’ob; ka’ t’aanaj nojoch súukuntsile’ ka tu ya’alaj:

– Ch’íich, na’aken túun a wéenso’on tumen tene’ ts’o’ok u tak in bin tin wotoch.

– Tu ya’alaj xnúukej,  – pa’atiki’  paal, je’el kin taalo’, chen ba’ale’ ka k’uuch tu ka’anlil le túuk’o’ ku yu’ubike’ ma’ táan u beyta’al u péek, sáam xan ta’aki’.

Bey túuno’ tu láakalo’ob te’ laaj taak’o’obi’, bey túuno’ chen ta’nak nojoch paale’ tu chi’ chúumuk paal, chen ta’nak chúumuk paale’ tu chi’ j-t’uup, chen ta’nak j-t’uupe’ tu chi’ chan x-núuk, chen ta’nak xan xnúuke’ tu chi’ aj-ts’áa’ liseensia. Ku ya’alal úuche’ le aj-ts’áa’ liseensiao’, leti’ máax u’uyik, wa leti’ máax xookik le chan tsiikbala’.

Relató: Domingo Arceo UcánX-Cohuo, Valladolid, Yucatán.
Recopiló y tadujo: Felipe Kuyoc.

– xíib mix si’ yaan to’on; ka tu yu’uba’ le máako’ ka tu ch’áa u baat ka’ ku joop’ u bin.

Mix chúumuk kaaj ts’o’ok u k’uuchle’ ka’ ku ya’ak  beya’ , wa kin wiil le kíisino’ maas kin láan kóont in hijo ti’, tu ya’alik ba’aj beyo’ leti’e túun bin, túun u jok’ol jo’ kaaj.

Jach líik u jook’ol te jo’ kaajo’ ka tu yiilaj u tiip’il juntúul chak máak, leelets’ki’ tak u tsíimin, bey ooroe’; ka’ a’ala’ ti’e’:

-¿ túun ka bin beya’ amigo?

Le máake’ ka’ tu núuktaj:

– chen tin jaan bin si’.

Ka’ k’aata’ ti’e’ :

– ¿ba’ax túun taaj wa’alaj tu chúumuk a kajale’?

– Mix ba’al, ku ya’alik.

Le kíisino ka’ tu a’alati’e yaan pues ¿ma’ k’aajantechi’?

– Aaan wa  leti’e ka wa’ako’, tin wa’alaj wa kin wiil le kíisino’ je’el in kóonik in hijo ti’e’.

– Aan bueno, wa leti’e je’elo’ pues lelo’ téen, je’el in máanik teche’, ¿báajux ka wa’alik?

Le máako’ ka’ tu núuktaj beya:

– pues ma’ in woojel báajux beya’.

Le kíisino’ tu ya’alaj:

– wa beyo’ ka’abet u táasa’al teche ka’ap’éel u karretai’  taak’in.

Ka’ tu koolaj u ts’aap taak’in míin yaan taak cinco mil wa diez mil, ka’ a’ala’ti’e je’ela:

– xeen a máan a si’o’.

Le maáko’ tu ya’ale’ :

– ma’alo’ob.

Ka’ tu tsa’ tu boolsa’ ka’ bin u máan le si’o; ka’ k’úuch tu yotoche ka tu púulaj u si’, ka’ a’ala’ ti’ tumen u yatane’:

– ¿túun taaj jáan cha’a le si’o’? ¿míin ma’ binechi’?

– Aan tin bin ka’ache’ ka’ k’aajten yaan jump’éel chan k’aax p’aatan to’one’ ka’ tin láan kóontaj.

– ¿Tu’ux yaan u tóojo’?

– Je’ela.

Ka’ tu jo’osa’ le taak’ino’ ka tu ts’áa ti’ u yatan. U yatane’ ka’ tu cha’e’, chen ba’ale’ leti’e ma’ u yóojeli’.

Ka’  u’ul chan Antonioe’ leti’e ka bin tu taan u saanto’e, ka’ a’ala’ ti’e:

– Chan Antonio, hijo. Sáam kóonkech ti’ k’aak’asba’al, ka’abej u tasa’al a tojol,  chen ba’ale ma’ túuklik, ma’ táan a p’aatali’ téen a’alik tech.

Ts’o’ok u yaak’altaj beyo’, le wíinko’ ka’ ku túuklik, bix ken ya’al ti’ u yatan, ka’ tu ya’alal ti’ le óotsil xko’olelo’, ka’ ku túuklik, túun k’aas óok’tik u hijo. Sáaschaj beyo’ mix túun yuuk’ul, mix túun janaj; ka’ tu ya’alaj chan Antonioe’ janen mamacita.

– ¿Ba’ax ka túukultike’ex?  Ma’ chen túukultike’ex mix ba’aj.

– Leti’e ¡ba’anten ma’ u ya’alik, tumen sáam t’anak yéetel ki’ichkelem yuum!

Ts’o’ok u maan óoxp’éel k’iin beyo’, míin yaan las doce tu chúumuk k’iin ka’ tu yu’ubo’ob túun taal u juum le karretaso’.

– Heeey ,

– Hoola, jeel le taak’in tin táaso’ona’, leti’ u toojol le Antonio’.

Éensabij ka’ ts’aapti’ob, ya’abkach.  Ba’aj; ka’ a’alati’e.

– Ka’abej in taalo’on cha’e’.

-Ma’alob kin bin le máako’.

Ts’o’ok u laaj bino’on túun bine’, ka u’ul Antonio tu xook. Ka a’ala’ ti’e ts’o’ok u taasa’al a toojol, ti’ a yuume ts’o’ok u kóonikech. ka tu ya’ale’:- ma’alob, je’el in bine’ ma’ sáasajakeni’, ka’ bin u t’aab u kib ti’ u santo’, ka’ a’ala’ ti’e:

– le chen táako’ob ka’abeje’, ka’ wa’alik ti’obe’ ma’ t’aan a jaan bin, je’el in taal tin juune’ kech ti’ob.

– Wa ku ya’aliko’otech ma’ kaxtik u beelile’ ka wa’alikti’obe. – Je’ele’, je’el in kaxke’ tu xóot le rueda ken taalo’.  – Bey a wa’alik ti’obo’ ki’ ki’ichkelem yuum.

Jach óoxp’éel k’iin a’alak ti’e, jach las 12 tu chúumuk k’iin ka k’uuch le karretaso’obo’, ka’ t’anajo’ob, ka’ jook’ ya’alkab chan Antonio.  – Ka’ a’ala’ ti’e

– Ko’ox túun chan Antonio, ts’o’ok in taalo’on cha’ech, ka tu ya’alaj:

– míin taaj, aastan ka’abej in taaj.

– Man a kaxtik tu’ux, – ku ya’ala’ ti’.

– ¡Bixe’ míin kaxka’! Tu xóot le rueda ken taalo’, je’el in taale’, je’el in kaxkej, beorae’ míin taaj xéenex. – Teerko sáam p’aatak de saantoi’ beyo’.

Pues ka bino’ob.  Ku maan óoxp’éel k’iin beyo’, leti’e ka’ ooktun yiknal le santo, ka’ ts’aab jump’éel chan lool yaanal u yaak’, ka a’alab ti’ tumen le santo’:

– Le ken k’uch’kecho’ míik ta’akech óokoj.

Ka wa’alike’, -chen binech bo’ol p’aax.  Wa túun ya’alik u machkecho’obe’ ka resaartik jump’éel oración, -míik ta’akech óokoj.  Tumen wa óokeche’ yaan u machkech’o’ob, -ku ya’alti’ tumen u santo’.

Ka’ k’aatik báajux a p’aaxo’, wa tu ya’ako’otech ka óojkech a wiile’ mix ta’akech óokoj, ka waalik ku tsíibto’ob tech.

Le ken pu’uluk tech le ju’uno’, – jaawa ken u meentej. Miik a máachej, chen a wiile’. – Ma’alob ki chan Antonio.

Túun bin te beejo’ ka’ tu yiilaj Marcos, túun bin xan, chen ba’ale’ leti’e tu jun tu kóonubaj, – u ya’alme’ sieen wíinik ken u kíinse’ ku yanta’al ya’abkach taak’in ti’, chen ba’ale juntúulili’ tu kíinse’ ka yanchaj u taak’in ti’.  Le olale’ yanchaj xan u bin k’uub cuentaj.

Túun bino’on beyo’ ka’ k’ucho’ob tu’ux ku xa’aypalo’obo’, ka’ a’alti’ tumen Antonio, teche’ te’ ka bina’; ¿te’elo’? ki Marcos.

– ¿Ba’ax túun k’aak’i’ lelo’? Ku ya’alik.

– Ka’ a’ala’ ti’e’.

– Lelo’ u k’aak’i’ tu’ux ku kinsaj, kíinsaj wíiniko’ob.

– ¿Lelo’?, ki Marcos, túun tuuch’pik, leem ki ka’ éel jump’éel u yaal u k’ab, tumen chen juntúulili’ máak u kíinsmaj, beyo ka binij.

Ka’ k’uuch Antonio.

Buenos días, -ki.  -Buenos días.  -Ka’ nuukta’abti’

– ¿Pues taaj kaxtan Antonio? Bix míin kaxtik.

– Wa tin wa’alaj techi’, je’el in táale’.

– Óoken túun hijo, óoken, óoken janaj ku ya’alti’.

– Ma’ tene’ taalen bo’ol p’aax, mix taalen janli’.  – Ku ya’alik.

-Pero ¿bix ka meyaj wi’ijech?   – Óoken janaj, ts’o’okole’ kik meyaj.

– Ma’ tene’ taalen bo’ol p’aax,  – Pues óoken ku ya’alti’.

– Ma’ tene’ mix tin wookoj.  – Mache’ex bix ma’ táan u yookola’.

-Míik a machene’ex tumen je’el in beetik te’ex loobe’.

– Mache’ex ki le nuxi’ kíisino’.

Le ken yootak machbile’, ku resartik le oraciono’, ku lúubul tu láakal le k’ak’asba’alo’obo’: ¡paajch’an! ¡paajch’an!  ku bin le kíisino’obo’, ka’  lu’ub tak le u nojochilo’obo’ taan kachak tak u bakelo’ob.

Le ka súunaj tu yóole’ ka tu ya’alaj:

– ¿Táan a wiilik ba’ax taj beetaj chan Antonio? Hijo buka’aj ba’ax ts’áa a meetik to’on, óoken. – Ma’ ki, tene’, chen taalen bo’ol p’aax.

– Pues ja’alibe’, ts’o’ok a bo’otik a p’aax, táan a bin, pa’atik in tsa’ik tech u ju’unil, ka líik’ k’ak’asba’ale’ ka bin u cha’e’ u ju’unil, je’ela’, óoken a cha’e’, je’ela’ ku ti’ichi’ti’.

– ¡Puulten waye’!  – Ki Antonio, tumen u yojel waa ku maache’ ma’ táan u beytal u ka bin tu yotoch, náak y yóol kíisine’ jiiin ka tu puulaj ti’.  Antonioe’ ka tu yiilaj bixe’ ka’ tu ts’íibtaj tu áanalte’.

– Je’elo’ p’aatak,  ts’o’ok in cha’ik beyo’.

– Ma’ Antonio je’elo’ cha’e’ ku ya’alti’.

Bueno ku yilik túun beyo’ ts’o’ok u laaj kíinsik tu láakal le k’ak’as kíisino’obo’ ka tu chan juupajbin u pool tu kúuchilo’obo’, ku yu’ubike’ te’ juum ya’abkach mejen palalo’ob óokoltano’obi’ ka a’alabti’e:

– ¡Antonio, paal! ¡cha’on! ¡cha’oni’!

– Jok’ene’ex, xéenex.  – Ki bin.

– Yiiiiiiim la jok’ob, laaj mejen palomao’, ka bino’ob.

Juntúul le k’ak’asba’al ma’ kiimko’ ka tu ya’alaj.

– Táan wiilik chan Antonio, taak aálak’ak’e’, sáam a laaj cha’e.

– Ka tu ya’alaje’.

– Tene’ chen taalen bo’ol p’aax.

Ka’ túun ku súut. Beybin u yóole’ ma’ úuch xi’iki’, ts’o’okole’ jun ja’ab xi’ik.  Ka’ k’uuch tu yotoche’ jach túun meyajta’ u kabo de año, u na’e  táan u chook’kubaj u meek’e, ka a’alti’e:

– Ma’ me’ekene’ex paatiki’, tsin k’uuchul, ts’aaten tiempo, ka’ óok yiiknal le chan santo utia’al ka’, ka’ súutuk chen cristianoile’, túun ka’ cha’abal le chan loolo’ ka’ ook u na’ ka’ tu chuuch meek’taj, ka’ tu tsu’utsa’; le ka óok tu yotoch ka’ateno’ chíital tu beetaj, le kaj weeno’  mix kaj aaji’, kíimij tu meetaj.  Bey ts’o’okik u tsíikbalil chan Antonio.

Relató: Domingo Arceo Ucán.
X-Cohuo, Valladolid, Yucatán.
Recopiló y tradujo: Felipe Kuyoc.

]]> https://turix.yoochel.org/xtabay/ Wed, 01 Oct 2014 16:32:22 +0000 http://turix.yoochel.org/?p=5204 http://turix.yoochel.org/wp-content/uploads/La-X-Tabay_y-el-borracho_don-Tino.mp3

Relató: Don Justino
Lugar de origen: San Isidro, Yaaxche, Tekax, Yucatán, México, 2003.

Grabación: Jaime Magaña.

Uti’al ka wiil jach yaan le balamo’obo’, wa ka’ xi’ikech ich k’aaxe’, ka’ wiil junp’éel kuuchil míina’an túunich mix che’obe’, jáanil; lelo’ u k’aat u ya’ale’, te’ ba’atelnaj le yuum balamo’obo’ yéetel le k’aaso’. Balame’ ku xúuxub chen ak’achajak, chen a wu’uy beyo’ táan u t’anik u yéet balamilo’ob uti’al ku kíinso’ob juntúul k’aka’sba’al. Yaan k’iin wa juntúul máak sa’at tu belil u koole’, le yuum balamo’obo’ ku ch’a’ako’ob otsilil ti’e ku xúuxubo’ob yoolaj beyo’ le máako’ ku kaxtik u beel u yotoch.

Los yuum baalames.

Los balames existen en los árboles grandes como el ya’axche’ o el k’umche’, se dice que están en los cuatro puntos de un pueblo, el este, el norte, el sur y el oeste. Ellos nos protegen de los malos espíritus, aunque de día no se pueden ver, pero a ciertas horas de la tarde y de la noche. Sí alguien los ve, puede enfermarse o inclusive morir.
Los balames son grandes y fuertes, tienen una barba que les llega hasta los pies, también cuidan la milpa y forman parte de la vida de las personas, así que hay que hacerles ofrendas y ceremonias, y no olvidarse de ellos por que sí lo hacemos nos perjudicará mucho y puede hacerle mal al sembradío.

Una prueba muy clara de que existen, es que sí vas al monte y te encuentras una parte limpia, sin árboles ni piedras, quiere decir que allí hubo una lucha entre un yuum balam y un espíritu maligno. También hacen chiflidos por las noches, un sonido inconfundible, que quiere decir que esta hablando a los otros balames pidiendo ayuda para eliminar los espíritus malignos. A veces cuando una persona se pierde en la milpa, y este es de buen corazón, los yuum baalames lo ayudan a buscar su camino a casa, haciendo un chiflido muy particular.

Relató: Lucia Tuz Couoh.
Popola, Valladolid, Yucatán.
Recopiló: José Ricardo Poot Chuc.

– tene’ yaan in paatik wíinik, ka beychajak u meyaj ti’ le lu’uma’ yéetel u láak’o’ob.

Tu séebanil, ka chikpaj juntúul wíinik yook’ol kaab, k’ak’áasba’ale’, p’uujan ka tu ya’alaj bin beya:

– ten xane’, ¡yáanten u páajtalil in beetik!, je’el in meyatik wíinik xane’. Ma’ xanchaje’ ka chikpaj juntúul ba’alche’ bey le wíiniko’obo’, leti’ le ba’ats’obo’. Le óolale’ ku ya’alale’ le wíiniko’obo’ bey le ba’ats’o’obo’.

Bey túuno’ tu meyajtiko’ob u jéel ba’alo’ob, yuum k’uj ka’ tu ya’alaj:

wáalkila’ yáan in ts’aik ts’ono’oto’ob, utia’al u jóosik ja’ wíinik chen uk’ajchajak, jach ma’ xanchaje’, jatsuts’ ts’ono’oto’ yáan yóok’ol kaab.

Le k’ak’áasba’alo’ jach seten p’uja’an ka tu ya’alaj: ma’ chen tech je’el u beytal a meyajtik ba’alo’ob beyo’, tak xan ten, ts’o’okole’ le kin meyajtiko’ asab jats’uts tak ti’ le techo’, ka awáatnaji’:

– wáalkila’ tin wa’alik ¡ka’ yanak ya’abkach ts’ono’oto’ob wáay te’ lu’uma’! Jach ma’ xanchaje’ ka yanchaj jk’o’opo’ob yéetel ts’ats’ob.

Bey túuno’ yuum k’uje’ tu tséelubaj tu’ux yáan le k’áaso’, ka’ tu ch’áa u belil u kool juntúul wíinik, ka k’uuche’, ka’ tu k’aataj:

– ¿ba’ax ka beetik in páalil?

Le koolnalo’ tu núuktaj k’aas p’uja’an, tin paak’ik túunicho’ob. Yuum k’uj túune’ tu núukaj:

– ma’alob, túunicho’ob kena joochej.

Jach ma’ sáam luuk’uk yuum k’uj te’ koolo’, le kolnalo’ ka tu yilaje’ chen túunich yáan ichil u kool, ka tu ya’alaj, le máaka’ míin pulya’aj, waa ma’e bix úuchik u meyajtik u yáantal túunich waye’; chen ba’ale’ , le koolnalo’ ma’ u yóojel le máak maan ichil u koolo’, yuum k’uj. Yuum k’uj túune’ chen bey u bino’ ka k’uch tu jeel kool, ka’ tu k’aataj ti’ le koolnalo’:

– ¿ba’ax ka meyajtik in páalil?

Le koolnalo’ tu núuktaj:

– táan in paak’ik jump’íit ixi’im utia’al in wilik wa je’el yáantale’, utia’al in tsentik in páalalo’ob.

Núuktabti’e:

– bejla’e ma’alob k’iin ku taal, yáan u yáantal tech íinaj utia’al a jante’ex. Chen máanak waa ma’ax túun k’a’atikene’, ka wa’alikti’e, sáam xi’iken.

Tin pak’al ka máan waye’, le jaaj ba’ax tu ya’alajo’, ka bini’; chen p’eelak u súutul u paache’, le koolnalo’ ka tu yiilaj u koole’ chen nalo’ob yani’. Chen ba’ale’ le k’ak’áasba’alo’ ma’ táan u cha’ik u p’áatal paachi’, tu bin tu paach yuum k’uj, k’uuch te’ koolo’, ka tu yilaj le koolnalo’ túun jooch, ka tu k’a’atajti’:

– ¿ma’ waa a wiil waa sáam máanak juntúul máak waye’?

Le koolnalo’ tu núuktaj:

– tin wilaj, tin pak’al ka máanij, ma’ak beyo’ ts’o’ok u chan xantal, tumen bejla’e u k’iinil jooch.

Le nuxi’ k’ak’áasba’alo’ ma’ túun cha’ak u p’aatal paachi’, k’uuch u k’iinil u ka ilik yuum k’uj, ka tu ya’alajti’:

– u ts’o’oka’, in k’aat in paklantinbaon; utia’al ka wile’ je’el in meyajtik le ba’al ka meyajtiko’.

Bey túuno tu ka’atúulilo’obe’ tu cha’o’ u belil jump’éel Kool, te’ ichkolo’ tu yilajo’ juntúul kolnal túun jantik u yo’och xtsu’uj, ka síibti’obi’. Yuum k’uje’ tu xakch’intubaj ka tu páanaj le lu’umo’, ka’ tu mukaj le u yo’och xtsu’ujo’; ka’ tu ya’alaj:

– waalkila’ ts’o’ok u yantal bajo’ob wáay te’ lu’uma’, bey túun úuchik u yantal le bajo’obo’.

Chen ba’ale’ le k’ak’áasbalo’ tu yóotal u meyajt xani’, ku yilike’ ma’ yanchaj bajo’obi’, bey úuchik u yantal cho’o. Yuum k’uj tu ya’alaj ti’e lu’uma’ túun ka bin, tu noj otoch, tumen u yóojele’ sáam u paak’ ma’alob ba’alob wáay te’ lu’uma’.

La creación del mundo

Cuenta mi abuelito, cuando Dios pensó crear el mundo se enfrentó con el demonio, para ver quien realizaba las mejores creaciones. Entonces Dios dijo:

– crearé al hombre para que trabaje la tierra y pueda vivir con su familia.

En un par de segundos el hombre estaba en la tierra. El demonio muy molesto dijo:

– yo también tengo poder, y puedo crear al hombre, de la misma manera. En un par de segundos el hombre que había creado el demonio, era un mono. Por esa razón dicen que los hombres se parecen mucho a los monos.

Así siguieron creando cosas, entonces Dios volvió a decir:

– ahora crearé los cenotes para que el hombre saque agua cuando tenga sed, y en un par de segundos en toda la tierra existió grandes y hermosos cenotes.

El demonio esta vez más molesto dijo:

– yo también puedo crear cenotes, no solo tú puedes hacer eso, además mis creaciones son mejores que las tuyas.

Entonces gritó:

– ¡en este momento que haigan cenotes en toda la tierra! Y en un par de segundos aparecieron muchas reholladas y manantiales.

En esto Dios se retiró del lugar y se dirigió hacia la milpa de un buen hombre y le pregunto:

– ¿qué estás haciendo buen hombre?

El campesino un poco molesto le contestó:

– estoy sembrando piedras.

Entonces Dios le contestó:

– pues cosecharas muchas piedras.

Solamente se quitó Dios de ese lugar, el hombre miró el lugar donde trabajaba y observó que ya existen muchas piedras. Pensó, este señor es brujo, sino como hizo para que salgan las piedras, él hombre nunca supo que Dios lo visitó en su milpa, pero Dios seguía andando de visita en la tierra y se encontró con otro campesino, y le preguntó:

– ¿qué estás haciendo buen hombre?

Este campesino le contestó:

– estoy sembrando un poco de maíz para ver si da algunos frutos, así poder alimentar a mi familia.

Dios le dijo:

– veras que en esta temporada tendrás alimento para sustentar a tu familia, y cuando pase alguien y pregunte por mí, le dices que ya pasé por aquí, cuando estabas sembrando.

Al terminar de decir esto, se retiró y cuando el campesino salió al espacio de su milpa, se dió cuenta que ya existen muchos elotes dando frutos. Pero el demonio no se queda atrás, pues estaba persiguiendo a Dios y llego al lugar donde se encontraba el campesino cosechando sus elotes, y le preguntó:

– ¿has visto si ya pasó una persona por este rumbo?

El campesino le respondió:

– sí, pasó cuando yo estaba sembrando, pero ya pasó mucho tiempo, ya que ahora estamos en época de cosecha.

El demonio nunca se quedó atrás, volvió a encontrar a Dios y lo retó de nuevo, le dijo:

– está es la última prueba para que ya no te siga molestando, sólo te digo que tu creación será igual al mío.

Entonces los dos se encaminaron en otra milpa y se encontraron con otro campesino, este señor se encontraba comiendo unos volcanes e invitó a Dios y al demonio. Dios le dijo:

– esta es la última prueba que te doy para que veas, que nunca podrás conmigo

En ese momento se agachó al suelo y empezó escarbar la tierra, enseguida colocó su volcancito en la tierra y dijo:

– ¡en este momento que existan tuzas en esta tierra!, de esa forma se crearon las tuzas.

Pero el demonio muy seguro hizo lo mismo, sólo que no creó tuzas sino que ratones. De esta forma Dios se despidió de la tierra y regresó a su reino, pero sabe que ya sembró cosas nuevas en la tierra.

Relató: Domingo Arceo Ucán.
X-Cohuo, Valladolid, Yucatán.
Recopiló: Felipe Kuyoc.

Waaye’ chen kaab ku jantali’, bey túuno’ jach ku k’a’abetchajal u kaxtiko’ob u nukuch najil le kaabo’obo’. Chen jump’éel k’iin túune’ le máako’ tu tu’uxtaj u mejen páalal u kaxt u najil kaab, le palo’obo’ bino’ob ka tu kaxto’ob jump’éel ti’ junkúul ka’anaj che’i’; bey ya’abo’obo’ tu túukultajo’ob bix keni yéenso’ob le kaabo’, bey túuno’ tu yáax na’akso’ob le paal asab chíichano’ ka tu túuch’ob utsil ka’anal , ts’o’okole’ ka tu kóolo’, le chan paalo’ lúubi’, ka’ li’iso’obe’ ka tu bisajo’ob tu táamil le k’aaxo’ , tumen sáam k’aslak u túukulo’ob takchaj u saatiko’ob. Bey túuno’ ka tu k’uuso’ob te’ ich le k’aaxo’, ka tu k’ooyob u yíich yóolaj beyo’ ma’ táan u ka beytal u súut tu yotoch, tumen u suku’uno’obe’ ku ya’aliko’obe’ jt’uupa’ leti’e ku tsa’abal ya’ab ka’ach ba’alo’ob ti’, tumen k yuumo’ob.

Óotsil jt’uupe’ p’aat ma’ táan u beytal u paakat , bey p’aatik k’aaxo’, ma’ u yóojel bix ku bin ti’, u suku’uno’obe’ luuk’o’obi’; táan u taal u yak’abtale’, lelo’oba’ je’elo’ob u jéesubao’, yóolaj lelo’ tu t’abajo’ob jump’éel k’aak’. Ts’o’ok u utsil ak’abtal beyo’ ka chíikbaj yuum kaab, ka bin u yiil u najil le kabo’obo’ ka k’uuche’ ka tu k’aataj:

– ¿ ba’ax úuchij?

Le kabo’obo’ tu nuktajo’ob:

– ts’o’ok in wokoltalo’on, laaj ch’a’ab le kaab ts’o’ok in meyajtiko’ono’, bey xan bisa’ab in wo’ochon, laaj ch’aab tu láakal le ba’alo’ob yaan waaye’.

Ka tu ya’alaj u laak’ juntúul kaabe’:

– tene’ laaj jookab in wooko’ob, ts’o’okole’ yaan in laak’o’obe’ ka’ach u xiiko’ob u jeelo’obe’ míinan u yicho’ob. Bey chúunik u ya’aliko’ob ba’ax úuchulti’obo’ ti’ le yuum kaabo’.

Le chan paal sáatal k’aaxe’, u yu’uma, yojel u yúumil le kabo’obo’, bey túuno’ tu naats’ubaj ka chaambel óok tu joobonil le che’o,’ tu’ux yaan le kabo’obo’, ka xan tu ya’alaj:

– tene’ ma’ táan u beytal in paakat, mina’an in wicho’ob.

Yuum káabe’ tu yu’ubaj ka tu ya’ale’:

– ¡teche’ ma’ kabechi’! ¡Je’el u beytal a páakate’!

Bey túuno’ le chan paalo’ beychaj u paakat, ka ch’éenenaji’ utia’al u yilik ba’ax ku yúuchul tu paach le che’o’ utia’al xan u yilik ma’ax meent u paakat, chen ba’ale’ ja’ak’ u yóol tumen tu yilaj u suku’uno’ob táan u je’esikubao’ ts’o’okole’ jach náach yano’ob. Bey xan takchaj u yilik, máax ts’áa u yicho’ob bey tu’ux ku beytal u paakat tak tu tsu’ che’obo, síib ya’ab k’intaj tuumen le káabo’obo’. U yiik’le’ le káabo’obo’ je’el u beytal u kaxtiko’ob u kaabil le che’obo’ tu séebanile’, tumen ts’aan u muuk’il ti’ob tumen yuum kaab.

Chen ba’ale’ lela’ ma’ xanchaji’, le chan paalo’ jach taj ki’imak yéetel jak’an u yóol, ka tu yawajte’ je’el u beytal u yilik u su’ukuno’ tak te’ náachilo’ yéetel xane’ taak áak’abe’ jach sáasil u yiliko’. Le ka u’uyab tuumen yuum kaabe’, ma’ak u yich yéetel tu ka’ap’éelil u k’ab bey túuno le chan paalo’ ka áak’abchaj u paakat ti ka’aten, je’el u paakate’ chen ba’ale’ ma’ táan u naachtal, lúubsa’ab ti’ u ka paakat ichil le áak’abo’ yéetel tu tsu’ le che’obo’.
Bey u ts’o’okol le chan tsíikbala’, tu’ux yuum kaab, wa ma’ úuchak u yóojeltik ka’ache’, u yich le chan paalo’ je’el u beytal u yilik jeen ba’ax u k’áate’, tak áak’abchaja’ane’.

El niño y el yuum kaab

En un tiempo muy lejano, en un pueblito, en donde vivían pocas familias, había un hombre que tenía siete hijos, un día la mamá se murió, y después de un tiempo el hombre no sabía que hacer porque era muy complicado cuidar tantos niños, había que prepararles la comida y asearlos. Entonces, el buscó otra mujer, dicha mujer tenia igual muchos hijos, pero no les importó y se juntaron. Había un problema, los niños no se llevaban bien, los hijos del hombre y los de la mujer constantemente se estaban peleando y más cuando les daban de comer, y esto hacia que la mujer se enfureciera con los hijos del hombre, decía que ellos comían más que los demás.

Ellos comían miel, pero había que buscar colmenas grandes; para conseguir suficiente un día los papás mandaron a sus hijos a buscar colmenas grandes, y lo encontraron pero en un árbol alto. Entonces como eran muchos los niños, estos comenzaron a trepar por el árbol, primero subió el mas pequeño, después los demás en montón. Jalaron al más pequeño y se cayó, entonces los otros decidieron eliminarlo, lo levantaron del suelo y lo llevaron en lo profundo del monte, y lo dejaron allí. Antes le sacaron los ojos para que no viera dónde estaba y no pueda regresar a su casa, además de que ellos decían que él era el consentido de mamá y papá.

El pobre niño quedó sin ver nada, se quedó en monte y lo dejaron a su suerte, los demás se alejaron del lugar del hecho y cayendo la noche se detuvieron e hicieron una fogata para poder descansar. La noche ya había caído, y el yuum kaab, apareció y fue a ver a las abejas de aquella colmena, llego y les preguntó:

– ¿qué pasó? ¿tienen algún problema?

Las abejas respondieron:

– nos han robado, nos quitaron la miel que habíamos juntado, también llevaron la cera que teníamos, nos quitaron todo, hasta nuestra comida.

Otra abeja dijo:

– A mi me arrancaron mis patas, y algunas de mis compañeras no tienen alas, otras no tienen ojos.

Y así ellas comenzaron a decir todos sus problemas a yuum kaab.

El niño, al que habían dejado sólo en el monte, escuchaba hablar a las abejas y a yuum kaab, entonces se acercó lentamente al árbol de las abejas y entró en un hueco que tenía el árbol, y habló diciendo:

– yo no puedo ver, no tengo ojos.

Yuum kaab le dijo:

– ¡tú no eres una abeja! ¡tú ya puedes ver!

El niño al instante podía ver, y se asomó fuera del árbol para ver quien lo había hecho, más sin embargo se llevó una gran sorpresa cuando vió a sus hermanos que están descansando y que además estaban a una gran distancia. Lo que pasó es que sus ojos veían muy claro, veía a través de los árboles. Le habían dado la suerte de ver como las abejas, las abejas pueden encontrar miel a través de los árboles sin ningún problema, por el gran poder de yuum kaab.

Sin embargo esto no duró mucho, el niño emocionado y a la vez sorprendido, dijo en voz alta, que podía ver a sus hermanos que estaban muy lejos de él y que los veía claramente aunque fuera de noche. Cuando yuum kaab escuchó esto, le tapó los ojos con las dos manos y de nueva cuenta el niño vió todo obscuro, perdió la capacidad de ver en la noche y de ver a través de los árboles. Así termina esta historia, en donde sí yuum kaab no se hubiera dado cuenta, los ojos de aquel niño, tendrían esa gran capacidad de ver lo que quisiera, inclusive en la noche.

Relató: Lucia Tuz Couoh.
Popola, Valladolid Yucatán.
Recopiló: José Ricardo Poot Chuc.

Chen ba’ale’ le xch’úupalo’ ma’ túun yu’ubik t’aan, sáamsamal suukchaj u bin ch’áa ja’ bey túun yeek’same’entalo’; chen túun bey le u máan le k’iino’obo’, le wíinalo’obo’. Jump’éel k’iinak túune’ le xch’úupalo’ yanchaj u yilik ba’aj jela’an, tumen le ka tu jaak’esja u ch’óoy ichil le ch’e’eno’ chen cha’abij le ka tu yóotaj u páayte’ ku yu’ubike’ jach taaj áal, tu ch’áa sáajakil, líik’ u ch’eenetik u yilik ba’axe’ yáan tu ch’óoyo’, te’ súutuko’ kóolab ichil le ch’e’eno’, utia’al mix bik’iin u ka jóok’ol.

El dueño del pozo

Esta historia me la contó mi abuelo, como se sabe antiguamente las personas de muchos pueblos mayas, acostumbraban  a jalar agua en los pozos, en ciertas horas;  mayormente ivan en la mañana o al medio día. Resulta que en un pueblo una muchacha acudía a buscar agua al atardecer, entrando la noche, pero siempre le decían:

– no vayas a esa hora, porque el pozo tiene dueño.

La muchacha nunca hizó caso y siempre llegaba a esa hora para sacar agua; así siguieron transcurriendo los días. Un día la muchacha al llegar como era acostumbrado, se llevó la grata sorpresa que al tirar su cubeta en el pozo, en el momento de jalarlo sintió que pesaba mucho y se asustó bastante. Cuando se inclinó para observar que era lo que sucedía, en el mismo instante, algo la jaló en el interior del pozo para nunca mas salir.

Relató: Domingo Arceo Ucán.
X-Cohuo, Valladolid, Yucatán.
Recopiló: Felipe Kuyoc.

– no vayas a esa hora, porque el pozo tiene dueño.

Pero la muchacha no hacia caso y siempre concurría a esa hora para sacar agua; así siguieron transcurriendo los días y los meses. pero un día la muchacha al llegar como tenia acostumbrado se llevo la grata sorpresa, al tirar su cubeta en el pozo en el momento de jalarlo sintió que pesaba mucho, se asusto bastante, cuando se inclinó a ver que es lo que venia, en el mismo instante fue jalada dentro el pozo, para nunca mas salir.  

Recopiló: Jaime Magaña.

Esta hístoria sobre la x–táabay es algo común y es una de tantas que nos narran los abuelos o los niños de la localidad de Uspibil comisaría de Chemax, Yucatán. Donde continúan con esta tradición oral que relatan historias populares, algunas muy divertidas. En esta historia la x-táabay se lleva a los borrachitos, que pasan por donde hay un árbol de x-ya’ax-ch’ o ceiba, y esta los conduce entre espinos, cenotes o cuevas para arrojarlos allí.

Recopiló y redactó: Jaime Magaña.

Le tie’ tsiikbala’a’ ku mentaaj tuumen juuntuul chan xíipal, juun tuul biin okoole’ tu yookool tuune’ kaaj  ala’a’tie’ tan bin yiila, baale’ ma tu tuuklaje’ yaan bin juuntuul xíi’ p’eek tu paach nukaaj  chiibil.

Esta historia – o mas bien chiste -, realizado por un niño, se trata de un ladrón que estaba robando sin saber que un perro estaba tras él. Sin tomar precauciones, feliz robaba.

Colectivo Turix, Uspibil, 2006.

Lela’ u tsiibali un tuul maak chen j-xii’ baale’ ku ts’aakik maak, ka  j-k’uuch ti’  juump’eel kaaje’ ka  jup u kaaxte u x-kooleliloob le tie kaajoob, ka j-ala’a’ tie’  biijanoob  bin tu jaal  juunp’eel  jaa’,   ka’a tu maajantá juunp’eel  chan burro tiaal u  see’  k’uuchle’  baale’  ka tu  nat’ee chan  burro biin tu beetaj pa’a’te’  yeetel le chan burro.

Esta historia es acerca de un médico que llegó a un pueblo. Al llegar, no encontró a las mujeres, así que preguntó en dónde se encontraban. Le dijeron que en el río y le prestaron un burro para ir en busca de ellas.

Colectivo Turix, Uspibil, Chemax, Yucatán, 2006.

Ésta es la historia de un señor que tenía una bala poderosa. Él podía disparar y la bala avanzaba demasiada.

La bala poderosa.